मुक्तक-

"एक चोटी आयो"

एक चोटी आयो मेरो जीवनमा यस्तो मोड!
आफूले चाहँदा-चाहँदै पनि भयो ऊ सँग बिछोड!!
मैले उसलाई जीवन वलिदान दिन नखोजेको त हैन!
तर एक्कासी आयो आँधिबेहेरिको ठुलो स्वर!!

मिना बान्तवा "मृदु"

मुक्तक-

आज भोलि म कसै सँग बोल्न डर लाग्छ!
मेरो मनको ढोकाहरु खोल्न डर लाग्छ!!
आफैले आज आफुलाई, मात्र विस्वास गर्छु!
हिउदे भेलको गहिराई पनि तोल्न डर लाग्छ!!
"मृदु"

मुक्तक-

"गुराँस भिरमा"

गुराँस भिरमा पनि फूल्दो रहेछ !
हाँसो पिरमा पनि खुल्दो रहेछ !!
केवल,
दुःखमा साथ तिमी नभएर के भो र !
अँध्यारोमा त आफ्नै छायाँले पनि भुल्दोरहेछ !!

मिना बान्तवा "मृदु"

मुक्तक

मेरो दोष

मेरो दोष थियो तिमीलाई आफ्नो सोची बोल्न
हृदय भरिका सारा कुरा तिमि सामु खोल्न
तिमीलाई पहिलो भेट मै विस्वास अनि माया दिई
हरेक मेरो आफ्नै शब्दहरुले मलाई लागेको छ पोल्न |